لاہور ( خبرنگارخصوصی ) لاہور ہائی کورٹ نے فیصل آباد پانی سپلائی ٹھیکہ میں خورد برد میں ملوث ملزمان کی درخواست ضمانت پر دو ملزمان کی عبوری درخواست ضمانت 16 جون تک منظور کر لی فاضل عدالت نے دونوں ملزمان کو دو دو لاکھ روپے کے مچلکے جمع کروانے کا حکم دیا ہے فاضل عدالت نے ڈی جی نیب کو نوٹس جاری کرتے ہوئے جواب طلب کر لیا۔ لاہور ہائی کورٹ کے جسٹس طارق عباسی کی سربراہی میں دو رکنی بنچ نے کیس پر سماعت کی۔