عمران پر دائر دعوے کی جلد سماعت کیلئے شہباز کی درخواست

مسلم لیگ نون کے صدر اور قومی اسمبلی میں قائدِ حزبِ اختلاف میاں محمد شہباز شریف نے وزیرِ اعظم عمران خان پر ہتکِ عزت کے دعوے کی جلد سماعت کے لیے درخواست دے دی۔

لاہور کی ایڈیشنل سیشن عدالت نے درخواست پر فریقین کے وکلاء کو نوٹس جاری کر کے ان سے اس ضمن میں جواب طلب کر لیا۔

عمران خان کے خلاف شہباز شریف کے ہتک عزت دعویٰ کی سماعت

لاہورکی مقامی عدالت نےوزیراعلیٰ پنجاب...

لاہورکی ایڈیشنل سیشن کورٹ کے جج سہیل انجم نے میاں شہباز شریف کی متفرق درخواست پر سماعت کی۔

درخواست گزار میاں شہباز شریف نے مؤقف اختیار کیا ہے کہ وزیرِ اعظم عمران خان کے وکیل بابر اعوان ایڈووکیٹ عدالت میں پیش نہیں ہو رہے۔

یہ بھی پڑھیئے:

• شہباز شریف کا عمران خان کیخلاف 100 ارب روپے ہرجانے کا دعویٰ

صدر مسلم لیگ نون میاں شہباز شریف کا اپنی درخواست میں یہ بھی کہنا ہے کہ عمران خان پر ہتکِ عزت کا دعویٰ گزشتہ 3 سال سے زیرِ التواء ہے۔