اللہ کی جنت علمی اور اخلاقی دیانتداری کے نتیجے میں ملے گی: حمزہ علی عباسی

پاکستان شوبز انڈسٹری سے عارضی کنارہ کشی اختیار کرنے والے میزبان و اداکار حمزہ علی عباسی کا کہنا ہے کہ اللّہ کی جنت علمی اور اخلاقی دیانتداری کے نتیجے میں ملے گی ۔

مائیکرو بلاگنگ سائٹ ٹوئٹر پر جاری اپنے پیغام میں حمزہ علی عباسی نے اپنا تجربہ شیئر کرتے ہوئے لکھا کہ ’جس خدا کو میں نے قرآن، سنت، حدیث سے جانا ہے، وہ اللّہ واقعی غلطی پر کبھی کسی کو سزا نہیں دیتا۔‘

انہوں نے لکھا کہ اللّہ کی جنت علمی اور اخلاقی دیانتداری کے نتیجے میں ملے گی، کسی سیاسی، مذہبی پارٹی، مسلک، تاریخ دان، حکمران، کمپنی باس، فلسفی، سوشل یا سیاسی شخصیت، اس روز کوئی کام نہیں آئے گا۔

یاد رکھیں کہ ہماری آخری منزل قبر ہے، حمزہ علی عباسی

پاکستان فلم و ٹی وی انڈسٹر ی کے معروف اداکار حمزہ علی عباسی نے دُنیا بھر کی موجودہ صورتحال پر اپنے مداحوں کے لیے معنی خیز پیغام جاری کرتے ہوئے کہا کہ ’یہ بات ذہن میں رکھیں کہ ہم سب کی آخری منزل قبر ہے۔‘

علاوہ ازیں گزشتہ روز وزیر اعظم عمران خان کے ٹوئٹر اکاؤنٹ سے سامنے آنے والی نظم بھی  شیئر کی۔

سماجی رابطے کی ویب سائٹ پر وزیر اعظم کی جانب سے شئیر کی گئی نظم میں لکھا تھا کہ

کوئی عروج دے نہ زوال دے، مجھے صرف اتنا کمال دے

مجھے اپنی راہ میں ڈال دے، کہ زمانہ میری مثال دے

واضح رہے کہ وزیراعظم عمران خان نے گزشتہ روز کسی اور شاعر کی نظم علامہ اقبال سے منسوب کر کے سوشل میڈیا پر شیئر کردی تھی۔

وزیراعظم نے کسی اور کی نظم علامہ اقبال سے منسوب کرکے شیئر کردی

نوجوانوں کو میری تلقین ہے کہ وہ اس نظم کو سمجھیں، اپنائیں اور یقین کر لیں کہ اس سے ان خداداد صلاحیتوں میں خوب نکھار آئے گا جو بطور اشرف المخلوقات رب کریم نے ہم سب کو عطا کر رکھی ہیں، وزیراعظم عمران خان

غلطی کی نشاندہی ہونے کے بعد وزیراعظم کو تصحیح کرنا پڑی کہ وہ نظم علامہ اقبال کی نہیں ہے۔

وزیراعظم نے تصحیح کرتے ہوئے کہا کہ یہ نظم علامہ اقبال کی نہیں ہے مگر وہ اس میں چھپے پیغام کی پیروی کرنے کی کوشش کرتے ہیں۔