گلوبل وارمنگ کے باعث الاسکامیں برفانی تودہ ٹوٹ گیا

الاسکا میں فوٹوگرافر نے ایک انوکھا نظارہ کیمرے کی آنکھ میں محفوظ کیا جب گلوبل وارمنگ کے باعث دیوہیکل برفانی تودہ ٹوٹ کرسمندر میں بہہ گیا۔

خطروں کے کھلاڑی الاسکا کے گلیشئر کے قریب فوٹوگرافی کر رہے تھے کہ اچانک برف کی دبیز تہہ میں سرسراہٹ ہوئی اوربرفانی تودہ دیکھتے ہی دیکھتے زور دار دھماکے سے ٹکڑوں میں تقسیم ہوکر سمندر میں گرا ۔

برفانی تو دہ گرنے سے سمندر میں ایک لہر پیدا ہوئی جبکہ دوسری جانب منچلے خوش قسمتی سے کسی جانی نقصان سے بالکل محفوظ رہے۔

دنیا میں گلوبل وارمنگ اور موسمیاتی تغیر کے باعث جہاں تیزی سے تبدیلیاں رونما ہو رہی ہیں، وہیں برفانی تودوں کی ٹوٹ پھوٹ بھی بڑھ گئی ہے۔