قومی بچت اسکیموں میں ادارہ جاتی سرمایہ کاری پر پابندی عائد

قومی بچت اسکیموں میں ادارہ جاتی سرمایہ کاری پر پابندی عائد کردی گئی ہے اور اس حوالے سے وزارت خزانہ نے نوٹیفکیشن جاری کر دیا۔

 نوٹیفکیشن کے مطابق ادارہ جاتی سرمایہ کاری کی پابندی پر اطلاق آج سے ہوگا، تمام قسم کی بچت اسکیموں میں ادارہ جاتی سرمایہ کاری پر پابندی ہوگی۔

بچت اسکیموں میں ادارہ جاتی سرمایہ کاری ختم کرنے کے متعلق کمیٹی تشکیل دی گئی تھی۔

نوٹیفکیشن کے مطابق کمیٹی اور اسٹیٹ بینک کی سفارش کی روشنی میں ادارہ جاتی سرمایہ کاری پر پابندی لگائی گئی ہے۔

اس حوالے سے سینٹرل ڈائریکٹوریٹ آف نیشنل سیونگز کو فیصلے پر عمل درآمد کے احکامات جاری کردیئے گئے ہیں۔