بنگلادیش: کورونا سے لڑتے پولیس اہلکاروں کا حوصلہ بلند کرنے کیلئے یوگا کلاسز

کورونا وائرس کی خطرناک صورتحال نے لوگوں کو نہ صرف بیحد خوفزدہ کردیا ہے بلکہ کئی ممالک جزوی لاک ڈاؤن میں ہیں تو کئی ممالک نے اپنے شہریوں کو گھروں سے نکلتے ہوئے احتیاطی تدابیر کی سختی سے تاکید کی ہے۔

اس خطرناک وبا میں مبتلا مریضوں کا علاج کرتا طبی عملہ جہاں اپنی ذمہ داریاں بخوبی نبھا رہے ہیں وہیں امن امان کی صورتحال پر قابو رکھنے کیلئے پولیس اہلکار اپنی ڈیوٹی انجام دے رہے ہیں۔

بنگلا دیش کے دارالحکومت ڈھاکہ میں مشکل صورتحال میں فرائض انجام دیتے ایسے ہی پولیس اہلکاروں کا حوصلہ بڑھانے کیلئے یوگا کلاس کا انعقاد کیا گیا۔

پولیس اہلکاروں نے ان کلاسز میں بھرپور حصہ لیا اور سماجی فاصلہ برقرار رکھتے ہوئے ورزش کی اور خوب انجوائے کیا۔ 

واضح رہے کہ کورونا وائرس سے بنگلادیش میں 1,926 اموات اور1 لاکھ 53 ہزار سے زائد افراد متاثر ہیں۔