وزیراعلیٰ سندھ سید مراد علی شاہ کا یوم سیاہ کے موقع پر پیغام

وزیراعلیٰ سندھ سید مراد علی شاہ نے یوم سیاہ کے موقع پر کراچی سے جاری کردہ اپنے ایک پیغام میں کہا کہ 5 جولائی پاکستان کی تاریخ کا سیاہ دن ہے۔

سید مراد علی شاہ نے کہا کہ 5 جولائی 1977 کو شہید ذوالفقار علی بھٹو کی منتخب حکومت کا تختہ اُلٹا گیا تھا۔

اُنہوں نے کہا کہ آج کا دن آمریت کی مذمت کرنے اور جمہوریت کو مضبوط کرنے کا دن ہے۔

5جولائی1977 پاکستان کی تاریخ کا تاریک ترین دن ہے، بلاول بھٹو زرداری

پاکستان پیپلزپارٹی کے چیئرمین بلاول بھٹو زرداری نے یوم سیاہ سے متعلق اپنے ایک پیغام میں کہا کہ 5 جولائی1977 پاکستان کی تاریخ کا تاریک ترین دن ہے۔

اِس سے قبل پاکستان پیپلزپارٹی کے چیئرمین بلاول بھٹو زرداری نے اپنے ایک پیغام 5 جولائی1977 کو پاکستان کی تاریخ کا تاریک ترین دن قرار دیتے ہوئے کہا تھا کہ 5 جولائی کو منتخب وزیراعظم شہید ذوالفقار علی بھٹو کو ہٹایا گیا تھا، 5 جولائی 1977 کو آئین معطل اور جمہوریت کو لپیٹا گیا تھا۔

43 سال قبل مسلط کی گئی سیاہ رات کاخمیازہ پاکستانی قوم آج تک بھگت رہی ہے، فریال تالپور

پاکستان پیپلز پارٹی کے شعبہ خواتین کی مرکزی صدر اور ممبر صوبائی اسمبلی فریال تالپور کا 5 جولائی یومِ سیاہ کے موقع پر ایک خصوصی پیغام سامنے آیا ہے۔

واضح رہے کہ 5 جولائی 1977 میں پاکستان پیپلز پارٹی کے قائد ذوالفقار علی بھٹو کی منتخب جمہوری حکومت کا تختہ اُلٹ کر ایک فوجی آمر جنرل ضیاء الحق نے ملک پر مارشل لاء نافذ کر دیا تھا۔

ملکی تاریخ کے اس کربناک دن کو ملک بھر میں پیپلزپارٹی اور جمہوری طاقتیں یوم سیاہ کے طور پر مناتی ہیں۔