NRTC پاکستان میں وینٹی لیٹر بنانے والا پہلا ادارہ بن گیا: عمران خان

06 جولائی ، 2020

وزیراعظم عمران خان کا کہنا ہے کہ نیشنل ریڈیو اینڈ ٹیلی کمیونیکیشن کارپوریشن (این آر ٹی سی) پاکستان میں وینٹی لیٹر بنانے والا پہلا ادارہ بن گیا۔

وزیر اعظم نے کہا کہ سیف وینٹ ایس پی 100 کےنام سے پورٹیبل وینٹیلیٹر تیار ہو رہے ہیں، سیف وینٹ ایس پی 100 وینٹیلیٹر سستا، معیاری، عالمی اداروں سے منظور شدہ ہے۔

انہوں نے کہا کہ این آر ٹی سی نے وینٹی لیٹرز کے 15 یونٹس تیار کر لیے ہیں جو ماہانہ 250 سے300 وینٹی لیٹر بنانےکی صلاحیت رکھتا ہے۔

واضح رہے کہ آج صبح ملک میں بننے والے وینٹی لیٹرز کی پہلی کھیپ نیشنل ڈیزاسٹر مینجمنٹ اتھارٹی (این ڈی ایم اے) کے حوالے کردی گئی ہے۔