سپریم کورٹ آف پاکستان نے عزیر بلوچ اور نثار مورائی پر تحقیقاتی رپورٹس پبلک کرنے کے خلاف سندھ حکومت کی اپیل خارج کر دی۔
عزیر بلوچ اور نثار مورائی پر تحقیقاتی رپورٹس پبلک کرنے کے خلاف سندھ حکومت کی اپیل پر سپریم کورٹ کے جسٹس عمر عطاء بندیال کی سربراہی میں 2 رکنی بینچ نے سماعت کی۔
جسٹس عمر عطاء بندیال نے اپنے ریمارکس میں کہا کہ عزیر بلوچ اور نثار مورائی سے متعلق رپورٹس کو پبلک کیا جا چکا ہے اس لیے یہ کیس تو غیر مؤثر ہو چکا ہے؟
جسٹس عمر عطاء بندیال نے استفسار کیا کہ اب سندھ حکومت اس کیس میں کیا چاہتی ہے؟
یہ بھی پڑھیئے: JIT پر وفاق اور سندھ حکومت آمنے سامنے
ایڈیشنل ایڈووکیٹ جنرل سندھ نے انہیں جواب دیا کہ سندھ حکومت اپنی اپیل واپس لینا چاہتی ہے۔
عدالت عظمیٰ نے سندھ حکومت کی جانب سے اپیل واپس لینے کی بنیاد پر خارج کر دی۔