13جولائی1931 کا دن تحریک آزادی کشمیر کا ایک خونی باب ہے، صدر آزاد کشمیر

آزاد کشمیر کے صدر سردار مسعود خان کا کہنا ہے کہ 13جولائی1931کا دن تحریک آزادی کشمیر کا ایک خونی باب ہے۔

آزاد جموں و کشمیر کے صدر سردار مسعود خان کا یوم شہداء کشمیر کے موقع پر اپنے پیغام میں کہنا ہے کہ 13جولائی1931کا دن ریاست جموں و کشمیر کی تاریخ کا اہم سنگ میل ہے، یہ دن تحریک آزادی کشمیر کا ایک خونی باب ہے۔

سردار مسعود خان نے کہا کہ 1931 میں کشمیری ڈوگرہ فوج کی دہشت گردی کے خلاف مزاحمت کرتے رہے، اہل کشمیر کی جدوجہد آج بھی جاری ہے۔

13جولائی کے شہداء کو سلام عقیدت پیش کرتا ہوں، وزیر اعظم آزاد کشمیر

آزاد کشمیر کے وزیر اعظم کا کہنا ہے کہ میں 13جولائی کے شہداءکو سلام عقیدت پیش کرتا ہوں۔

انہوں نے کہا کہ دہلی کے موجودہ حکمران ماضی کے مہاراجہ ہری سنگھ سے بھی بد تر ہیں، بھارتی حکمران جمہوریت کا نام لے کر استعماری آقا بنے ہوئے ہیں، ہندووں کو بسیں بھر کشمیر لا کر مقبوضہ جموں و کشمیر میں آباد کیا جا رہا ہے۔

صدر آزاد جموں و کشمیر نے کہا کہ ڈومیسائل کے قواعد تبدیل کر کے بھارتی شہریوں کو وہ حقوق دیے جا رہے ہیں جو کشمیروں کو ملنا چاہئے۔

اس کے علاوہ انہوں نے مزید کہا کہ عہد کرتے ہیں کہ مقبوضہ کشمیر کی آزادی کے لیے مزاحمت کو تیز کریں گے۔