ظفر وال: میر شکیل کی گرفتاری پر تحصیل پریس کلب کا مذمتی اجلاس

ظفر وال میں جنگ وجیو کے ایڈیٹر انچیف میر شکیل الرحمٰن کی گرفتاری پر تحصیل پریس کلب کا مذمتی اجلاس منعقد کیا گیا۔

صدر پریس کلب نے کہا کہ میر شکیل الرحمٰن کو سچ لکھنے اور بولنے کی سزا دی جا رہی ہے، حکومت غیر قانونی ہتھکنڈوں سے باز آئے۔

نصیرآباد میں میر شکیل الرحمٰن کی رہائی کیلئے احتجاج

جنگ اور جیو گروپ کے ایڈیٹر انچیف میر شکیل الرحمٰن کی رہائی کے لیے صوبہ بلوچستان کے ضلع نصیرآباد کے علاقے ڈیرہ الہ یار میں احتجاج کیا گیا۔

گزشتہ روز بھی جنگ گروپ اور جیو کے ایڈیٹر انچیف میر شکیل الرحمٰن کی گرفتاری کے خلاف ملک کے مختلف شہروں میں احتجاج کیا گیا تھا مظاہرین نے میر شکیل الرحمٰن کی فوری رہائی کا مطالبہ کیا۔

خیال رہے کہ میر شکیل الرحمٰن 34 سال پہلے خریدی گئی پراپرٹی کے معاملے پر کرپشن کے جھوٹے الزامات میں تقریباً 4 ماہ سے قید میں ہیں۔

میر شکیل الرحمٰن کی گرفتاری کے خلاف مختلف شہروں میں احتجاج

جعفرآباد میں نیشنل پریس کلب کے زیر اہتمام مظاہرہ کیا گیا، مظاہرے میں سول سوسائٹی کے لوگوں کے ساتھ لوک فنکار واسو خان نے بھی شرکت کی۔

قومی احتساب بیورو (نیب) نے غیر قانونی طور پر انہیں گرفتار کیا ہوا ہے جبکہ حال ہی میں ان درخواست ضمانت بھی مسترد کردی گئی تھی۔