آپ آف لائن ہیں
بدھ21؍ذی الحج1441ھ12؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

حروف ناشناسی کا شکار بچوں کی خصوصی تعلیم کا بل سینیٹ میں منظور

حروف ناشناسی کا شکار بچوں کی تعلیم کے خصوصی اقدامات کے لیے بل سینیٹ میں منظور کر لیا گیا ہے۔

پاکستان کے صوبے خیبر پختونخوا سے تعلق رکھنے والی سنیٹر ثمینہ سعید کی جانب سے سینیٹ میں بل پیش کیا گیا جسے اتفاق رائے سے منظور کر لیا گیا ہے ۔

پاکستان تحریک انصاف کی رہنما ثمینہ سعید کی جانب سے پیش کیے گئے بل میں کہا گیا ہے کہ حروف ناشناسی کے شکار بچوں کے اسکول میں داخلے کے وقت بیماری کا ٹیسٹ کیا جائے اساتذہ کو حروف ناشناسی کا شکار بچوں سے متعلق تربیت دی جائے۔

سینیٹ میں پیش کیے گئے بل کے میں کہا گیا ہے کہ اسکولز یقینی بنائیں کہ متاثرہ بچوں کو سادہ اور واضح ہدایت دی جائے اور حکومت اسکولز میں تھیراپسٹ کا تقرر بھی کرے۔

بل میں مزید مطالبہ کیا گیا ہے کہ حروف ناشناسی کا شکار بچوں سے امتیازی سلوک نہیں کیا جائے اور حروف ناشناسی کا شکار بچوں کے لیے آگہی پروگرام بھی بنایا جائے۔

قومی خبریں سے مزید