کلبھوشن جادھو دہشتگردی کا اعتراف کرچکا ہے، وزیر خارجہ

وزیرخارجہ شاہ محمودقریشی نے کہا ہے کہ کلبھوشن جادھو اپنے منہ سے دہشتگردی کا اعتراف کرچکا ہے، ہم نے عالمی عدالت کے فیصلے کو قبول کیا، مگر بھارت کارویہ ہمیشہ منفی رہاہے، اس نے کبھی تعاون نہیں کیا۔

ایک بیان میں شاہ محمود قریشی نے کہا کہ ہماری سوچ مثبت ہے ہمیشہ حقائق دنیا کے سامنے رکھے ہیں، ہم قانون کےدائرے میں آگے بڑھ رہے ہیں۔

یہ بھی پڑھیئے:۔

• کلبھوشن کو اپیل نہ کرنے کیلئے ڈرایا دھمکایا گیا، بھارتی وزارتِ خارجہ
• پاکستان کا کلبھوشن یادیو کو آج پھر قونصلر رسائی دینے کا اعلان
• کلبھوشن کو سہولت پہنچانے کیلئے نظرِثانی آرڈیننس جاری کیا گیا، رضاربانی

انہوں نے کہا کہ بھارت میں انتہاپسند طبقے کی حکومت ہے جو انسانی تقاضوں اور قانون کو نہیں دیکھتا، بھارتی انتہاپسند حکومت اپنی رائے مسلط کرنے کی کوشش کرتی ہے۔

بھارت نے کلبھوشن کیلئے قونصلر رسائی کی پاکستانی پیشکش قبول کر لی

بھارت نے پاکستان کی ’را‘ کے جاسوس کلبھوشن یادیو کے لیے قونصلر رسائی کی پیشکش قبول کر لی۔

وزیرخارجہ نے کہا کہ چین نے بھارت کیساتھ تعلقات کو بہتر بنانے کی بہت کوشش کی، مگر بھارتی انتہاپسند حکومت نے چین کو بھی نہیں بخشا، جبکہ بھارت نے بنگلادیش کو بھی نشانہ بنایا، سری لنکا سے رویہ بھی سامنے ہے۔

شاہ محمود قریشی نے کہا کہ بھارت عالمی سطح پر تنہا ہوتا جارہا ہے، عالمی سطح پر بھارت کو ناکامیوں کا سامنا ہے اور ہندوتوا سوچ برقرار رہی تو بھارت سے بہتری کی توقع نہیں کرسکتے۔