طیارے کے اندر برسات، مسافروں نے چھتریاں نکال لیں

روس میں طیارے کے اندر بن بادل برسات نے مسافروں کو چھتریاں نکالنے پر مجبور کر دیا

روسی ایئرلائن کے طیارے میں دوران پرواز چھت سے پانی ٹپکنے پر کچھ مسافروں نے چھتریاں نکالیں جب کہ کچھ مسافر اس پانی میں بھیگتے رہے۔

مسافروں کی چھتری پکڑے ویڈیو وائرل ہوتے ہی ایئر لائن حکام نے واقعہ کی تحقیقات کرنے کی یقین دہانی کرائی ہے۔

سوشل میڈیا پر اب تک ہزاروں افراد یہ ویڈیو دیکھ چکے ہیں، ایک صارف کا کہنا تھا کہ گرمی سے ستائے لوگ روسی طیارے میں سفر کر کے بارش کا لطف اٹھائیں۔