عید قربان سے قبل اشیا خور و نوش کی قیمتیں بڑھ گئیں

عیدالاضحیٰ قریب آتے ہی سرگودھا میں اشیائے خورونوش کی قیمتوں میں اضافہ ہوگیا۔

ٹماٹر، پیاز، لہسن، ادرک، گرم مصالحہ جات کی قیمتیں 20 سے 25 فیصد تک بڑھا دی گئی ہیں۔

عیدالاضحیٰ قریب آتے ہی مہنگائی کا جن ایک مرتبہ پھر بوتل سے باہر نکل آیا، ذخیرہ اندوز اور ناجائز منافع خور سرگرم ہوگئے۔

ایک سال میں کون سی چیز کتنی مہنگی ہوئی، سرکاری رپورٹ جاری

رپورٹ کے مطابق دال مونگ92،دال ماش 68،دال مسور 34،دال چنا 10 روپے فی کلو مہنگی ہوئی ہے ، جبکہ جولائی 2019 سےجولائی2020 میں چاول 6روپے فی کلو مہنگا ہوا ہے ۔

عید قربان پر استعمال ہونے والے گرم مصالحہ جات، لہسن، ادرک، سبز مرچیں، پیاز، ٹماٹر کی قیمتیں بھی بڑھادی گئی ہیں۔

ضلعی انتظامیہ کا دعویٰ ہے کہ اشیاخورونوش کی قیمتیں مانیٹر کی جارہی ہے، تاہم شہریوں کا کہنا ہے کہ ایسا لگتا ہے کے بے لگام مہنگائی کو کوئی روکنے والا نہیں۔

شہریوں نے مزید کہا کہ ہر گھنٹے کے بعد نئے نرخ منظر عام پر آرہے ہیں، ناجائز منافع خوروں کا محاسبہ ہونا چاہیے۔

کوئٹہ: چینی مزید مہنگی ہوکر 90 روپے کلو ہوگئی

کوئٹہ میں چینی مزید 5 روپے مہنگی ہوگئی، اضافے کے بعد 90 روپے فی کلو میں فروخت ہونے لگی۔

شہریوں کا کہنا ہے کہ مہنگائی کی لہر کو روکنے کیلئے سنجیدہ اور عملی اقدامات کی ضرورت ہے۔