چین میں سائیکل ریس کے دلچسپ مقابلے کا آغاز

چین میں سائیکل ریس کے دلچسپ مقابلے کا انعقاد کیا گیا جس میں ماہر سائیکلسٹ نے طویل راستے پر سائیکل چلاتے ہوئے خوب دوڑ لگائی۔

چین کے خود مختار علاقے انر منگولیا کی کاؤنٹی Duolun میں منعقد ہونے والی اس سائیکل ریس میں چین سے تعلق رکھنے والے 194 سائیکلسٹ پر مشتمل41 ٹیموں نے حصہ لیا۔

سائیکل سواروں نے شہر کی سڑکوں پر بنائے گئے 91 کلو میٹر کے طویل ٹریک کو عبور کرتے ہوئے نہ صرف شاندار انداز میں ریس لگائی بلکہ اپنی ماہرانہ صلاحیتوں کا عملی مظاہرہ کرتے ہوئے ایک دوسرے پر سبقت لینے کی بھرپور کوشش کی۔

اس ایونٹ کو دیکھنے کے لیے لوگوں کی بڑی تعداد موجود تھی جنہوں نے سائیکل سواروں کی مہارت کی خوب داد دی۔

واضح رہے یہ سائیکل ریس ایک ہفتے تک جاری رہے گی جس میں چار مختلف گروپ کی صورت میں مقابلے ہوں گے۔