لڑکی کو بے لباس کرنے کا کیس، ملزمان عدالت میں پیش

راولپنڈی کے علاقے سید پوری میں لڑکی کو بے لباس کرنے اور مبینہ زیادتی کے ملزمان عدالت میں پیش ہوگئے۔

پولیس نے راولپنڈی کے علاقے سید پوری میں لڑکی کو بے لباس کرنے کے مرکزی ملزم عامر کو عدالت میں پیش کردیا جبکہ دیگر ملزمان محسن اور ارسلان  بھی عدالت میں پیش ہو گئے۔

وکیل مدعی نے عدالت کو بتایا کہ پولیس نے 354 اے کی دفعہ شامل نہیں کی، پبلک مقام پر زیادتی اور وڈیو بنانے پر 354 اے کی دفعہ لگتی ہے، 354 اے کی دفعہ کے تحت مقدمہ انسداد دہشتگردی کی عدالت میں ٹرائل ہوگا۔

راولپنڈی: 4 نوجوانوں نے راہ چلتی لڑکی کو بے لباس کردیا

واقعے کو کئی ماہ گزر گئے تاہم سی پی او راولپنڈی نے نوٹس لیا اور ان کے حکم پر مقدمہ درج کرلیا گیا۔

وکیل کا کہنا ہے کہ ایف آئی آرکے مندرجات اور وڈیو کو ملاحظہ کیا جائے تو دفعہ 354اے بنتی ہے، تفتیشی کو ہدایت دے کر متعلقہ دفعہ کا اضافہ کیا جائے۔

لڑکی سے انسانیت سوز سلوک، وزیراعلیٰ پنجاب نے نوٹس لے لیا

وزیراعلیٰ پنجاب عثمان بزدار نے راولپنڈی میں لڑکی سے انسانیت سوز سلوک واقعے کا نوٹس لے لیا۔ آر پی او راولپنڈی سے رپورٹ طلب کرلی۔ واضح رہے کہ راولپنڈی میں 4 نوجوانوں نے راہ چلتی لڑکی کو بے لباس کر کے ویڈیو بنا کر سوشل میڈیا پر ڈال دی تھی۔ پولیس نے دو نام زد ملزمان کے ساتھی عامر کو گرفتار کر لیا ہے جبکہ کیس میں دو ملزمان عبوری ضمانت پر ہیں۔

ملزمان کے وکیل نے عدالت سے کیس کی تیاری کے لیے وقت مانگ لیا جس کے بعد ملزمان ارسلان اور محسن کی عبوری ضمانت میں 11 اگست تک توسیع کردی گئی۔