ملتان (سٹاف رپورٹر) شہر اور اس کے گردونواح میں ڈکیتی وچوری کی مختلف وارداتوں میں لاکھوں کی نقدی و قیمتی سامان لوٹ لیا گیا ۔تفصیل کے مطابق تھانہ قطب پور کے علاقے ناگ شاہ عزیز رسول سے دو مسلح ڈاکو نے موٹرسائیکل سمیت نقدی و موبائل مالیت55ہزار چھین کر فرار ہوگئے ، تھانہ صدر شجاعباد کے علاقے موضع ٹھٹھہ حق نواز سے موبائلز و سامان مالیت 2 لاکھ 10ہزار، تھانہ چہلیک کے علاقے کلمہ چوک محمد حسان کی موٹرسائیکل ، ضلع کچہری سے عبدالغفور کی جیب سے موبائل ، تھانہ قطب پور کے علاقے موضع عالمگیر حقنواز کےگھر سے نقدی و سونا مالیت95ہزار، تھانہ گلگشت کے علاقے گردیزی مارکیٹ ہوسٹل سے عمر نعیم ودیگر افراد کے 22موبائل، دیوان باغ سے شاہ زیب کےگھر سے طوطے مالیت 3 لاکھ، تھانہ بی زیڈ کے علاقے گلشن مہر ندیم عباس کے زیر تعمیر مکان سے سامان مالیت95ہزار، تھانہ کوتوالی کے علاقے پل پریڑاں والی اسد علی کے کارخانہ سے پرندے و کبوتر مالیت90ہزار، تھانہ نیوملتان کے علاقے فریدہ آباد اخلاق احمد کےگھر سے نقدی و سونا مالیت6لاکھ، تھانہ سیتل ماڑی کے علاقے محمد رمضان کی موٹرسائیکل ، تھانہ صدر کے علاقے پل گھلوں عامر رضا ودیگر افراد کے 11موبائل ، تھانہ دہلی گیٹ کے علاقے شاہ خرم محمد صابر کی موٹرسائیکل ، کڑی جمنداں زوہیب خان کےگھر سے پرس جس میں ڈالر و نقدی مالیت99ہزار، تھانہ پاک گیٹ کے علاقے ثوہان کی موٹرسائیکل ، تھانہ حرم گیٹ کے علاقے لوہا مارکیٹ جنید ودیگر افراد کے چار موبائل ، تھانہ قادر پور راں کے علاقے کوثر مائی کےگھر سے ملزم گلزار وغیرہ سونا و نقدی مالیت4لاکھ 51ہزار، تھانہ صدر جلالپور کے علاقے عابد حسین کےگھر سے تین بکرے مالیت80ہزار جبکہ محمد تنویر کےگھر سے جانور مالیت1لاکھ 20ہزار چوری ہوگئے۔