• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

احمد علی بٹ کا شجرکاری مہم میں پودے اکھاڑنے کے واقعے پر اظہار افسوس

آج کا اخبار
دل لگی
11 اگست ، 2020
احمد علی بٹ کا شجرکاری مہم میں پودے اکھاڑنے کے واقعے پر اظہار افسوس

لاہور(مانیٹرنگ ڈیسک)پاکستان شوبز انڈسٹری کے مزاحیہ اداکار احمد علی بٹ نے شجر کاری مہم کے دوران لگائے گئے پودوں کو اکھاڑنے کے واقعے پر اظہار افسوس کرتے ہوئے کہا کہ جہالت کی کوئی انتہا نہیں۔فوٹو اور ویڈیو شیئرنگ ایپ انسٹاگرام پر اداکار نے افسوسناک واقعے کی ویڈیو شیئر کرتے ہوئے لکھا کہ یہاں جہالت اور حماقت اپنے عروج پر ہے۔انہوں نے لکھا کہ یہ ویڈیو اس بات کا ثبوت ہے کہ دنیا انسان کے ہاتھوں تباہی کے دہانے پر کھڑی ہے۔انہوں نے اس منظر کو افسوسناک قرار دیتے ہوئے لکھا کہ ’ایسی حرکت کرنے والے تمام لوگوں کو سخت سزا دی جانی چاہئے۔‘وزیراعظم کے مشیر موسمیاتی تبدیلی ملک امین اسلم نے اس واقعے کے بارے میں بتایا کہ سوشل میڈیا پر جو ویڈیو وائرل ہے یہ واقعہ سابقہ قبائلی علاقے فاٹا کی خیبر ایجنسی میں واقع آیا ہے۔فاٹا کے صوبہ خیبر پختونخواہ میں ضم ہونے کے بعد اب خیبر صوبے کا ضلع بن گیا ہے۔ اس ضلعے کی تحصیل میں باڑہ میں ایک علاقہ منڈی کس ہے جہاں کچھ افراد شجرکاری مہم میں لگائے گئے درخت اکھاڑتے نظر آرہے ہیں۔ملک امین اسلم کے مطابق ان میں سے ایک شخص نے حکومت کو حقائق درست نہیں بتائے اور شجرکاری سے متعلق مفاہمت کی یادداشت پر دستخط کر دیئے۔ اس شخص نے حکومت سے یہ بات پوشیدہ رکھی کہ جس زمین سے متعلق وہ حکومت کے ساتھ ایم او یو پر دستخط کرنے جا رہا ہے وہ دراصل متنازع جگہ ہے۔ملک امین اسلم کا کہنا ہے کہ اس واقعے کا نوٹس لیا گیا ہے اور زمہ داران کے خلاف ایف آئی آر کا اندراج بھی کر دیا گیا ہے۔

تازہ ترین