-
فرمان الہی
-
نماز کے اوقات
- جمعرات 16؍شوال المکرم 1445ھ25؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
کراچی (مانیٹرنگ ڈیسک)بولی وڈ فلموں میں اکثر پاکستانی موسیقی کا چربہ پایا جاتا ہے جس پر بھارتی موسیقاروں کو تنقید کا سامنا بھی کرنا پڑتا ہے۔اب حال ہی میں پاکستانی فنکار جوجی کے نام سے مشہور شہزان سلیم نے انکشاف کیا ہے کہ بولی وڈ کی نئی فلم ’سڑک 2‘ میں شامل ’عشق کمال‘ گانا ان کے گانے کا چربہ ہے۔فلم ’سڑک 2‘ کا ٹریلر دو روز قبل ریلیز کیا گیا تھا جس پر ویسے ہی مداحوں نے سخت ناپسندیدگی کا اظہار کیا ہے۔یوٹیوب پر اس فلم کے ٹریلر کو 80 لاکھ سے زائد افراد نے ڈس لائک کیا جس کے بعد اس کا ٹریلر یوٹیوب پر سب سے ناپسندیدہ بن گیا ہے۔اس فلم کا ٹریلر 3 منٹ 2 سیکنڈ پر مشتمل ہے جس میں ایک گانا ’عشق کمال‘ شامل ہے۔تاہم فلم کا ٹریلر ریلیز ہونے کے بعد عشق کمال کی موسیقی سنتے ہی پاکستانی فنکار جوجی نے ایک ویڈیو شیئر کی جس میں ان کا کہنا تھا کہ سڑک 2 میں جو عشق کمال ہے وہ ان کے 11 سال پرانے گانے ’ربا ہو‘ کی نقل ہے جو انہوں نے اپنے دوست زید کے لیے پروڈیوس کیا تھا۔ویڈیو میں انہوں نے دونوں گانوں کا کلپ دکھایا اور اپنے گانے کی ریلیز کی تاریخ بھی نمایاں کی۔جو جی نے مزید کہا کہ اس پر وہ خاموش نہیں بیٹھیں گے۔سوشل میڈیا پر جوجی کی ویڈیو کو متعدد لوگوں نے شیئر بھی کیا اور تبصرہ کرتے ہوئے اس عمل کو شرمناک قرار دیا۔دوسری جانب ’عشق کمال‘ کے موسیقار سنیل جیت نے تردید کرتے ہوئے کہا کہ یہ گانا اوریجنل ہے اور اس کی موسیقی کسی کی نقل کردہ نہیں ہے۔ واضح رہے کہ فلم ’سڑک 2‘ 1991کی سپر ہٹ فلم ʼسڑکʼ کا سیکوئل ہے جس میں مرکزی کردار عالیہ بھٹ کی والدہ اداکارہ پوجا بھٹ اور اداکار سنجے دت نے نبھایا تھا۔فلم ’سڑک 2‘ میں مرکزی کردار عالیہ بھٹ اور ادتیا رائے کپور کا ہے جب کہ معاون کرداروں میں سنجے دت اور پوجا بھٹ بھی شامل ہیں۔
