پاکستانی سفارتخانہ پیرس میں یوم آزادی پاکستان کی تقریب

پیرس (رضا چوہدری ) فرانس میں پاکستان کا یوم آزادی منایا گیا اس سلسلے میں پاکستانی سفارتخانہ پیرس میں ملک کے73ویں یوم آزادی کی تقریب احتیاطی تدابیر کے ساتھ منعقد کی گئی۔ قائمقام سفیر پاکستان امجد عزیز قاضی نے قومی ترانے کی دھند میں پاکستان کا سبز ہلالی پرچم لہرایا۔تقریب میں پاک فوج کے افسران پاکستانی کمیونٹی کے ممبران اور سفارتخانے کے افسران اور عملہ موجود تھا۔ فسٹ کونسلر عدیل کھوکھر نے حاضرین کو صدر عارف اور وزیر اعظم پاکستان کے پیغامات پڑھ کر سنائے ، جبکہ امجد عزیز قاضی نے اجتماع سے خطاب کیا۔ انہوں نے اپنی اقلیتوں کو پسماندہ کرنے کے لئے بھارت کی حالیہ کارروائیوں کی روشنی میں پاکستان کی صورتحال کو بھارت کے ساتھ موازنہ کیا۔ انہوں نے ہندوستانی غیر قانونی طور پر مقبوضہ جموں و کشمیر کے عوام کو درپیش مشکلات پر بھی روشنی ڈالتے ہوئے کہا کہ ہندوستان کی حکومت کی حکومت جانب سے مقبوضہ کشمیر کافوجی محاصرے کا غیر قانونی اقدام بین الاقوامی قانون اور اقوام متحدہ کی سلامتی کونسل کی قراردادوں کی خلاف ورزی ہے۔ انہوں نے کہا کہ کشمیریوں کو حق خودارادیت دیا جائے۔ انہوں نے فرانس میں مسئلہ کشمیر اٹھانے میں پاکستانی اور کشمیری برادریوں کے کردار کو بھی سراہا۔انہوں نے کوویڈ 19 لاک ڈاؤن کے دوران فرانس میں پاکستانی کمیونٹی کو امداد فراہم کرتے ہوئے کی جانے والی کوششوں کی تعریف کرتے ہوئے کہا کہ وزیر خارجہ پاکستان نے بھی گزشتہ روز کمیونٹی کی کوششوں کا اعتراف کیا ہے۔انہوں نے آخر میں کمیونٹی کو مشورہ دیا کہ وہ اپنی روزمرہ کی زندگی میں احتیاطی تدابیر کا سختی سے مشاہدہ کریں کیونکہ فرانس میں کوویڈ 19 کے معاملات ایک بار پھر بڑھ رہے ہیں۔