کراچی انسداددہشتگردی عدالت نے دہشتگردوں کو علاج کی سہولیات فراہم کرنے کے خلاف مقدمے میں تفتیشی افسر کو آئندہ سماعت پر ہر صورت میں گواہ کو پیش کرنے کا حکم دیتے ہوئی سماعت 12 ستمبر تک ملتوی کردی۔
انسداددہشتگردی عدالت میں دہشت گردوں کو علاج کی سہولیات فراہم کرنے کے خلاف مقدمے کی سماعت ہوئی، پیپلز پارٹی رہنما ڈاکٹر عاصم، قادر پٹیل، میئر کراچی وسیم اختر، ایم کیو ایم رہنماروف صدیقی، پی ایس پی رہنما انیس قائمخانی عدالت میں پیش ہوئے ۔
سماعت کے موقع پر کیس کا گواہ پیش نہیں ہوسکا ، تفتیشی افسر نے عدالت کو بتایا کہ گواہ محمد یوسف سے رابطہ نہیں ہو پا رہا ہے جس کی وجہ سے پیش نہیں کر سکتے ۔
عدالت نے تفتیشی افسر کو آئندہ سماعت ہر صورت میں گواہ کو پیش کرنے کا حکم دیتے ہوئے کیس کی مزید سماعت 12 ستمبر تک ملتوی کر دی۔
عدالت نے ملزمان اور گواہوں کو آئندہ سماعت پر پیش ہونے کی ہدایت بھی کردی ۔
واضح رہے کہ کیس میں آج گواہ کا بیان قلمبند کیا جانا تھا۔