نئے ایڈمنسٹریٹر کراچی افتخار علی شلوانی کون؟

نئے ایڈمنسٹریٹر کراچی افتخار علی شلوانی کون ہیں؟ ان کے حوالے سے تفصیلات جیونیوز نے حاصل کرلیں۔

افتخار علی شلوانی پاکستان ایڈمنسٹریٹیو سروس کے گریڈ 21 کے افسر ہیں، انہوں نے 11 نومبر 1989 کو سول سروس جوائن کی، ان کا تعلق 17ویں کامن سے ہے۔

ذرائع کے مطابق نئے ایڈمنسٹریٹر کراچی 30 جون 1965 کو پیدا ہوئے، افتخار علی شلوانی کا ڈومیسائل سندھ اربن حیدرآباد کا ہے۔

سندھ کے تمام بلدیاتی اداروں میں ایڈمنسٹریٹر اور افسران تعینات

سندھ کے تمام اضلاع میںا یڈمنسٹریٹر کی تعیناتی کےلیے حتمی فہرست تیار کرلی گئی ،کراچی میں افتخار شلوانی ایڈمنسٹریٹر تعینات کردیے گئے۔

افتخار علی شلوانی 29 جون 2025 کو ریٹائر ہوں گے، وہ ایڈیشنل سیکریٹری صنعت و پیداوار رہ چکے ہیں اور کمشنر کراچی کے طور پر بھی فرائض انجام دے چکے ہیں۔

ذرائع کے مطابق افتخار علی شلوانی سیکریٹری قانون و پارلیمانی امور سندھ، اسسٹنٹ کمشنر سٹی راولپنڈی بھی رہ چکے ہیں۔

اسسٹنٹ کمشنر سٹی راولپنڈی کی ذمے داری کی انجام دہی کے دوران وہ 1996 میں گرفتار ہوئے اور کئی روز اڈیالہ جیل میں قید بھی رہے۔

ذرائع کے مطابق راولپنڈی میں بینظیر بھٹو کی حکومت کے خلاف جماعت اسلامی کے احتجاجی مظاہرے پر فائرنگ میں 1 شخص جاں بحق ہوگیا تھا، جس کے الزام میں افتخار شلوانی نے گرفتاری دی تھی۔

وہ بطور اسسٹنٹ کمشنر سٹی راولپنڈی جماعت اسلامی کے احتجاجی مظاہرے پر ڈیوٹی دے رہے تھے۔