آپ آف لائن ہیں
جنگ ای پیپر
بدھ 22؍ شوال المکرم 1440ھ 26؍جون 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
17 Green Gates Mosque To Access
شاہد نعیم...حرمین شریفین کے نگراں ادارے کا کہنا ہے کہ حجاج ومعتمرین کی آسانی کی خاطرمطاف تک براہ راست رسائی یقینی بنانے کے لیے 17 داخلی دروازوں کے بالائی حصے کا سبز رنگ سے نشان بنایا گیا ہے جس سے وہ دورازے دور سے پہچانے جاتے ہیں۔

مسجد حرام کے عمومی امور کے سیکرٹری مشہور المنعمی نےہوئے بتایا کہ مسجد حرام سے مطاف کے صحن تک زائرین کی فوری رسائی کو یقینی بنانے کے لیے سترہ سبز دروازے تیار کیے گئے ہیں۔

حج اور ماہ صیام میں ہونے والے عمرہ سیزن کے دوران مزید دروازے بھی تیار کیے جائیں گے تاکہ زائرین کو مطاف تک پہنچنے میں کسی قسم کی دقت کا سامنا نہ کرنا پڑے بلکہ وہ سہولت کے ساتھ جہاں سے چاہیں مطاف میں داخل ہوسکیں۔

مشہور المنعمی کاکہنا تھا کہ زیادہ سے زیادہ دروازوں کا مقصد زائرین کی آمد ورفت کو آسان بنانا اور ان کے مطاف تک پہنچنے میں حائل رکاوٹوں کو دور کرنا ہےتاکہ عازمین حج وعمرہ وقت ضائع کیے بغیر خانہ کعبہ کا طواف کم سے کم وقت میں مکمل کرسکیں۔

ان کا کہنا تھا کہ مطاف کے سترہ داخلی دروازے توسیع حرم کے جاری پروگرام کا حصہ ہیں۔ آنے والے دنوں میں مزید داخلی دروازے بھی بنائے جائیں گے۔

المنعمی کا کہنا تھا کہ حرمین شریفین کے نگراں ادارے کی جانب سے حجاج و معتمرین کو ہدایت کی جاتی ہے کہ وہ نمازوں کے اوقات میں مطاف کے داخلی دروازوں کا استعمال نہ کریں کیونکہ نمازوں بالخصوص نما زمغرب کے وقت مسجد میں نمازیوں کے غیرمعمولی رش کی وجہ سے داخلی دروازوں پر بھی رش بڑھ جاتا ہے۔
Chatاپنی رائے سے آگاہ کریں