عالمگیر وبا کورونا وائرس کے باعث میٹرک کے طلبہ کو بغیر امتحان لیے حکومتی پروموٹ پالیسی کے تحت تمام طلبہ کو پاس کر دیا گیا تاہم کالجوں میں 50 ہزار طلبہ کی گنجائش ہی موجود نہیں۔
رواں سال میٹرک میں ڈی اور ای گریڈ حاصل کرنے والے 50 ہزار سے زائد طلبہ کالجوں میں داخلے سے محروم ہیں، کراچی کے 168سرکاری کالجوں میں گیارہویں جماعت میں داخلہ پالیسی بری طرح ناکام ہوگئی۔
100فیصد طلبہ پاس ہونے سے سرکاری کالجوں میں 50 ہزار سے زائد طلبہ کیلئے نشستیں نہیں۔
دوسری جانب محکمہ تعلیم نے کراچی کے کالجوں میں 1 لاکھ 16 ہزار340 طلبہ کو داخلہ دینے کا اعلان کیا۔
خیال رہے کہ رواں سال صرف میٹرک بورڈ کراچی سے ایک لاکھ 68 ہزار 880 طلبہ پاس ہوئے، 52 ہزار 540 طلبہ کو گیارہویں جماعت میں داخلے کیلئے کراچی کے کسی سرکاری کالج میں گنجائش نہیں ہے۔
گریڈ ڈی میں 37 ہزار 309 اور گریڈ ای میں 8ہزار 230 طلبہ پاس ہوئے۔