شاہ رخ نے گوری کو شادی کی سالگرہ پر کیا تحفہ دیا؟

بلاک بسٹر فلم ’دل والے دلہنیا لے جائیں گے‘ کے راج اور بالی ووڈ کے کنگ شاہ رخ خان نے سوشل میڈیا پر مداحوں کو بتا دیا کہ انہوں نے اپنی شادی کی سالگرہ پر گوری خان کو کیا تحفہ دیا۔

بھارتی خبر رساں ادارے کے مطابق شاہ رخ خان اور گوری نے رواں ماہ 25 اکتوبر کو اپنی شادی کی 29 ویں سالگرہ منائی۔

شادی کی رات شاہ رخ خان کیوں روئے؟

بالی ووڈ کے کنگ شاہ رخ خان نے انکشاف کیا کہ اُن کی شادی کی پہلی رات سینئر اداکارہ ہیما مالینی نے برباد کردی تھی۔

سماجی رابطے کی ویب سائٹ ٹوئٹر پر شاہ رخ خان نے مداحوں کے لیے سوال و جواب کا سیشن شروع کیا جس میں ایک مداح نے کنگ خان سے سوال کیا کہ ’آپ نے گوری میم کو شادی کی سالگرہ پر کیا تحفہ دیا؟‘

اس سوال کا جواب شاہ رخ خان نے اتنا خوبصورت دیا کہ اُن کا یہ ٹوئٹ سوشل میڈیا پر وائرل ہوگیا اور ہر کوئی اُن کے اس جواب کی بے حد تعریف کرتا دکھائی دے رہا ہے، انہوں نے کہا کہ ’جوخود میری زندگی کا بہترین تحفہ ہے اُس کو میں کیا تحفہ دوں۔‘

  شادی کی سالگرہ کے موقع پر اداکار نے کئی انکشافات بھی کیے جیسے کہ انہوں نے پہلی مرتبہ اپنے ایک انٹرویو میں بتایاکہ اُن کی اور گوری کی شادی کی پہلی رات سینئر اداکارہ ہیما مالینی نے برباد کردی تھی۔

اداکار کی جانب سے یہ انکشاف بھی پہلی مرتبہ کیا گیا کہ اُنہوں نے گوری سے تین مرتبہ شادی کی تھی پہلی بار دونوں نے کورٹ میرج کی ، پھر اگست میں دونوں نے نکاح کیا اور اُسی سال یعنی 1991 میں 25 اکتوبر کواس جوڑے نے ہندو رسم و رواج کے مطابق شادی کی تھی۔

میڈیا رپورٹس کے مطابق شاہ رخ خان اور گوری کی شادی سال 1991 میں ہوئی تھی، شادی کے اگلے سال 1992 میں شاہ رخ کی پہلی فلم ’دیوانہ‘ ریلیز ہوئی ، بالی ووڈ کی اس کامیاب ترین جوڑی کے تین بچے ہیں، ایک بیٹا آریان خان جو کہ 22 سال کا ہے، بیٹی سہانا خان جو 20 سال کی ہے اور پھر ایک بیٹا ابرام جو کہ 7 سال کا ہے۔

شاہ رخ نے گوری کو عائشہ نام رکھنے، برقع پہننے کو کہا

شاہ رخ خان نے اپنے ایک انٹرویو میں انکشاف کیا کہ انہوں نے ایک مرتبہ گوری کو اپنا نام تبدیل کرکے عائشہ رکھنے اور برقع پہننے کو کہاتھا۔

شاہ رخ خان نے گوری کے اہلخانہ سے 5 سال تک کیا جھوٹ بولا؟

بالی ووڈ کے کنگ شاہ رخ نے اپنی لو اسٹوری کے بارت میں بات کرتے ہوئے کہا کہ انہوں نے گوری کے اہل خانہ سے پانچ سال تک جھوٹ بولا تھا۔

شاہ رخ اور گوری کے دو بچے آریان اور سہانا ہائیر اسٹیڈیز کے لیے بیرون ملک رہتے ہیں جبکہ ان کا سب سے چھوٹا بیٹا ابرام ممبئی میں اپنے والدین کے ساتھ ہی رہتا ہے۔

واضح رہے کہ شاہ رخ خان کی پوری فیملی اس وقت متحدہ عرب امارات کے شہر دبئی میں موجود ہے جہاں وہ آج کل جاری آئی پی ایل میں اپنی ٹیم کو سپورٹ کررہے ہیں۔