وزیراعظم کی ہدایت پر وزیر داخلہ کی میاں افتخار سے معذرت

وزیراعظم عمران خان کی ہدایت پر وزیر داخلہ اعجاز شاہ نے رہنما اے این پی میاں افتخار سے معذرت کرلی۔

اعجاز شاہ کے متنازع بیان پر اے این پی نے وزیر کے استعفے تک اسلام آباد میں دھرنا دینے کا اعلان کیا تھا۔

اعجاز شاہ وفاقی وزیر دفاع پرویز خٹک کے ساتھ باچا خان مرکز پہنچے۔

جرگے کے بعد اے این پی خیبرپختونخوا کے صدر ایمل ولی خان نے پختون روایات کے تحت معذرت قبول کرنے کا اعلان کیا۔

وزیر دفاع پرویز خٹک نے معذرت قبول کرنے پر اے این پی کا شکریہ ادا کیا۔