ہیری اور میگھن خاندان سے الگ ہوکر پہلی کرسمس منانے کیلئے پرجوش

30 نومبر ، 2020

ہیری اور میگھن خاندان سے الگ ہوکر پہلی کرسمس منانے کے حوالے سے پرجوش

برطانوی شاہی خاندان کے رکن اور ملکہ الزبتھ ثانی کے پوتے پرنس ہیری اپنی شادی کے بعد آنے والی دوسری اور خاندان سے الگ ہوکر امریکا آکر بسنے کے بعد اپنے پہلے آزادانہ طور پر خریدے گئے گھر میں اپنے پونے دو برس کے بیٹے آرچی اور اہلیہ میگھن مارکل کے ساتھ پہلی کرسمس منائیں گے۔

اطلاعات کے مطابق ڈیوک اور ڈچز آف سسیکس اس حوالے سے بہت پرجوش ہیں اور ان دنوں وہ امریکی ریاست کیلی فورنیا کی سانتا باربرا کاؤنٹی میں خریدے گئے 14ملین امریکی ڈالر کے اپنے مینشن کو اس تہوار اور تعطیلات کے سیزن کے لیے خوب سجا اور سنوار رہے ہیں۔

یہ بھی پڑھیے

یاد رہے کہ دونوں نے گزشتہ برس اپنی پہلی شادی شدہ زندگی کی کرسمس میگھن مارکل کی والدہ ڈوریا ریگلینڈ کے کینیڈا میں واقع گھر میں انکے ساتھ منائی تھی۔

میڈیا رپورٹ کے مطابق اس برس بھی میگھن کی والدہ ڈوریا ریگلینڈ اپنے داماد پرنس ہیری اور بیٹی میگھن کے ساتھ کرسمس منائیں گی۔

رپورٹ میں مزید بتایا گیا ہے کہ میگھن کے اسقاط حمل کے بعد سے انکی والدہ انکی کافی مدد کررہی ہیں۔

یاد رہے کہ اس برس جولائی سے میگھن کی والدہ کی یہ کوشش ہے کہ وہ اپنی بیٹی، داماد اور نواسے کی خصوصی طور پر دیکھ بھال کریں۔

تازہ ترین