• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خصوصی افراد کو بااختیار بنانے کےلیے بنیادی ڈھانچا بہتر کیا جائے، صدر عارف علوی

تازہ ترین
قومی خبریں
04 دسمبر ، 2020
خصوصی افراد کو بااختیار بنانے کےلیے بنیادی ڈھانچا بہتر کیا جائے، صدر عارف علوی

صدر مملکت ڈاکٹر عارف علوی نے کہا ہے کہ خصوصی افراد کو قومی دھارے میں لانے اور معاشی طور پر بااختیار بنانے کی ضرورت ہے۔

خصوصی افراد کی فلاح و بہبود سے متعلق اجلاس سے خطاب میں صدر مملکت نے کہا کہ اس کے لیے ضروری ہے ان کی ہر چیز تک رسائی کے لیے بنیادی ڈھانچا بہتر بنایا جائے۔

اجلاس میں ملک بھر کے بینکوں کے صدور اور سی ای اوز نے ویڈیو لنک کے ذریعے شرکت کی جبکہ اسٹیٹ بینک آف پاکستان کے سربراہ رضا باقر نے شرکاء کو بریفنگ دی۔

یہ بھی پڑھیے


ڈاکٹر ثانیہ نشتر نے اجلاس کے شرکاء کو احساس پروگرام کے تحت خصوصی افراد کی فلاح کے لیے اٹھائے گئے اقدامات سے آگاہی فراہم کی۔

گورنر اسٹیٹ بینک نے بینکوں کے سی ای اوز کے ساتھ میٹنگ کے فیصلوں کو بھی دوہرایا اور خصوصی افراد کی فلاح و بہبود اور سہولیت سے متعلق مرکزی بینک کے اقدامات پر بھی روشنی ڈالی۔

رضا باقر نے مزید کہا کہ خصوصی افراد کے معاشی استحکام اور فلاح و بہبود کےلئے ایک ورکنگ گروپ تشکیل دیا جائےگا۔

چیئرمین بینکس ایوسی ایشن نے اجلاس کے شرکاء کو بتایا کہ خصوصی افراد کے لیے 525 قابل رسا برانچیں مکمل ہوچکی، 1100 افراد کو مالی امداد فراہم کی گئی۔

انہوں نے مزید کہا کہ ملک بھر میں 151 ٹاکنگ اے ٹی ایمز لگائے گئے ہیں تاکہ خصوصی مستفید ہوسکیں۔

تازہ ترین