کراچی: SOPs کی خلاف ورزی پر مینا بازار سیل

کراچی کی ضلعی انتظامیہ نے ایس او پیز کی خلاف ورزی پر کریم آباد کا مینا بازار سیل کردیا۔

اس حوالے سے دکانداروں کا کہنا ہے کہ وہ اتوار کی چھٹی کے بعد جب آج مارکیٹ پہنچے تو پوری مارکیٹ کو سیل کیا ہوا تھا۔

دکانداروں نے کہا کہ پوری مارکیٹ میں کسی دکاندار یا گاہک کو کورونا وائرس کی شکایت نہیں ہوئی۔

ملک میں کورونا وائرس کے 2362 نئے کیس ، 36 اموات

پاکستان میں کورونا وائرس کی دوسری لہر جاری ہے، یہاں کورونا وائرس کے کیسز اور اس سے اموات میں کمی کے بعد اب ان میں تیزی سے اضافہ ہو رہا ہے۔

اُنہوں نے شکوہ کرتے ہوئے کہا کہ اطراف کی تمام مارکیٹ کھلی ہوئی ہیں جبکہ ہمارے بازار میں 11 سو سے زائد دکانیں ہیں لہٰذا مارکیٹ کو بند کرنا سمجھ سے باہر ہے۔

واضح رہے کہ پاکستان میں کورونا وائرس کے کیسز کی کُل تعداد 4 لاکھ 40ہزار 787 ہو چکی ہے، جبکہ اس موذی وباء سے جاں بحق افراد کی کُل تعداد 8 ہزار 832 تک جا پہنچی ہے۔