کپتان کی حیثیت سے شکست کی ذمہ داری قبول کرتا ہوں، رضوان

قومی کرکٹ ٹیم کے کپتان محمدرضوان نے کہا کہ میں کپتان کی حیثیت سے تمام ذمہ داری قبول کرتا ہوں، مجھے جس طرح وکٹ کیپنگ میں پرفارم کرنا چاہیے تھا ویسا نہیں کرسکا۔

کرائسٹ چرچ میں نیوزی لینڈ کے ہاتھوں ٹیسٹ سیریز میں وائٹ واش شکست کے بعد کپتان محمد رضوان نے اعتراف کیا کہ ہم نے میچ میں اچھی فیلڈنگ نہیں کی۔

محمد رضوان کا کہنا تھا کہ ٹیسٹ میچ جیتنے کے لیے 20 وکٹیں درکار ہوتی ہیں، یہاں فیلڈنگ کا کردار بہت اہم ہوتا ہے۔

انہوں نے کہا کہ ہم نے تینوں شعبوں میں اچھا کھیل پیش نہیں کیا، ہمیں تینوں شعبوں میں بہتری کی ضرورت ہے، خاص کر فیلڈنگ کے شعبے میں سب سے زیادہ بہتری کی ضرورت ہے۔

پاکستان کو اننگز اور 176 رنز سے شکست

کرائسٹ چرچ ٹیسٹ کے چوتھے روز ہی پاکستان کو میزبان ٹیم نیوزی لینڈ کے ہاتھوں اننگز اور 176 رنز سے شکست ہوگئی۔

محمدرضوان کاکہنا تھا کہ بیٹنگ میں بھی ہماری پرفارمنس مستقل نہیں،ہمارےبیٹسمین باصلاحیت ہیں، آئندہ سیریز میں بہتر کارکردگی کی امید ہے۔

کپتان قومی کرکٹ ٹین نے کہا کہ اس ٹیسٹ میچ میں باؤلرز نے ہمارے لیے کئی مواقع پیدا کیے،ان کےجارحانہ اندازمیں کمی نہیں ہے مگر کیچز چھوٹنے سے مورال گرا ہے۔

محمد رضوان نے کہا کہ ہم میچ کےاختتام میں ریلیکس ہوئے جس کا خمیازہ بھگتا ہے۔