مظفر گڑھ: 2 بچیوں کو پٹرول چھڑک کر جلا دیا گیا

پنجاب کے ضلع مظفر گڑھ میں گھریلو رنجش میں مبینہ طور پر 2 بچیوں کو پٹرول چھڑک کر جلا دیا گیا، دونوں بچیاں جاں بحق ہو گئیں۔

مظفر گڑھ پولیس نے مقدمہ درج کر کے 2 افراد کو گرفتار کر کے تحقیقات شروع کر دی ہیں۔

سرگودھا: سسرالیوں نے بہو کو پیٹرول چھڑک کر آگ لگادی

پولیس نے بتایا کہ جھلسی ہوئی خاتون کو تشویشناک حالت میں فیصل آباد منتقل کردیا گیا

مظفر گڑھ کے علاقے چوک قریشی میں 5 افراد نے 2 بچیوں پر مبینہ طور پر پٹرول چھڑک کر آگ لگا دی جس کے نتیجے میں ڈیڑھ سالہ اسوہ اور 3 سالہ عروہ جھلس کر جاں بحق ہو گئیں۔

بچیوں کی لاشیں ڈی ایچ کیو اسپتال منتقل کر دی گئی ہیں، بچیوں کے والد عبدالحمید کے مطابق اس کی دوسری بیوی روٹھ کر میکے چلی گئی تھی۔

بیٹی کے روٹھ کر میکے آنے کی رنجش میں سسر اور اس کے رشتے داروں نے پہلی بیوی کی بچیوں کو آگ لگائی ہے۔

پولیس ترجمان وسیم خان کے مطابق سسر سمیت 2 افراد کو گرفتار کر کے تحقیقات شروع کر دی گئی ہیں۔