• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کان کنوں کی میتیں ہزارہ ٹاؤن کی امام بارگاہ منتقل

تازہ ترین
قومی خبریں
09 جنوری ، 2021
کان کنوں کی میتیں ہزارہ ٹاؤن کی امام بارگاہ منتقل

سانحۂ مچھ کے متاثرین کے وفاقی و صوبائی حکومت سے مذاکرات کامیاب ہونے کے بعد کوئٹہ کے مغربی بائی پاس پر جاں بحق کان کنوں کی میتیں رکھ کر کیا جانے والا دھرنا ختم ہو گیا۔

سانحۂ مچھ میں جاں بحق کان کنوں کی میتیں ہزارہ ٹاؤن کی امام بارگاہ ولی عصر منتقل کر دی گئی ہیں، جہاں نمازِ جنازہ کے بعد ان کی تدفین آج ہی کی جائے گی۔

کراچی میں تمام دھرنے ختم، زندگی رواں دواں

سانحہ مچھ کے متاثرین کے حکومتی سے مذاکرات کامیاب ہونے کے بعد کراچی میں تمام مقامات پر جاری احتجاجی دھرنے ختم کر دیئے گئے اور زندگی رواں دواں ہو گئی۔

شہدائے سانحۂ مچھ کی تدفین کے اعلان کے بعد مختلف شہروں میں جاری دھرنے بھی ختم کر دیئے گئے ہیں۔

کراچی کی نمائش چورنگی سمیت 30 سے زائد مقامات سے مظاہرین گھروں کو واپس لوٹ گئے۔

یہ بھی پڑھیے


لاہور میں گورنر ہاؤس اور دیگر مقامات پر جاری دھرنے کے شرکاء بھی گھروں کو چلے گئے۔

اسلام آباد کے ڈی چوک، ملتان، سیالکوٹ اور حیدر آباد سمیت سندھ کے مختلف شہروں میں جاری احتجاج بھی ختم کر دیا گیا ہے۔

تازہ ترین