فرمان الہی
نماز کے اوقات
کراچی (جنگ نیوز) بلوچستان کے شمالی علاقوں میں کڑاکے کی سردی برقرار ہے جسکے باعث کراچی سمیت سندھ بھر میں سردی کی شدت میں اضافہ ہوگیا ہے۔ کراچی میں آج مسلسل دوسرے روز کم از کم درجہ حرارت 6 ڈگری سینٹی گریڈ ریکارڈ کیا گیا۔ بلوچستان کے بیشتر اضلاع میں شدید سردی کی لہر برقرار ہے۔ محکمہ موسمیات کے مطابق کوئٹہ میں درجہ حرارت منفی8 ڈگری سینٹی گریڈ ریکارڈکیا گیا اور قلات میں درجہ حرارت منفی11ڈگری سینٹی گریڈ تک گرگیا۔ محکمہ موسمیات کے مطابق دالبندین میں منفی7،پنجگور، ژوب اور نوکنڈی میں منفی4، خضدار اور سبی میں 2،لسبیلہ 3،گوادر 10اور تربت میں 11ڈگری سینٹی گریڈ ریکارڈ کیا گیا۔ کراچی میں آج مسلسل دوسرے روز کم از کم درجہ حرارت 6 ڈگری سینٹی گریڈ ریکارڈ کیا گیا۔ محکمہ موسمیات کے مطابق 24گھنٹوں میں شہر کا موسم مزیدخشک اور سرد رہنے کا امکان ہے۔
