بالی ووڈ کے بادشاہ شاہ رخ خان نے مذاق کرتے ہوئے اپنی ہی ٹیم کلکتہ نائٹ رائیڈرز کو آڑے ہاتھوں لے لیا۔
آئی پی ایل کی ٹیم کے مالک مشترکہ طور پر شاہ رخ خان کے ساتھ اداکارہ جوہی چاولہ کے شوہر جے مہتا ہیں۔
شریک مالک جے مہتا کی سالگرہ پر کلکتہ نائٹ رائیڈرز کے ٹوئٹر اکاؤنٹ سے ایک تصویر شیئر کی گئی جس میں شاہ رخ خان، جے مہتا اور ان کی اہلیہ جوہی چاولہ موجود ہیں۔
اس تصویر کے ساتھ کلکتہ نائٹ رائیڈر نے جے مہتا کو ٹیم کا سب سے خوش اخلاق و ملنسار شخص قرار دیا۔
اس ٹوئٹ کو ری ٹوئٹ کرتے ہوئے شاہ رخ خان نے بھی جے مہتا کو سالگرہ کی مبارکباد دی، لیکن ساتھ میں شاہ رخ خان نے سوال اٹھادیا کہ ’کیا وہ ملنسار نہیں؟‘
شاہ رخ خان کے اس سوال اٹھانے پر سوشل میڈیا صارفین کی جانب سے دلچسپ تبصورں کا سلسلہ جاری ہے۔