• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جو بائیڈن اور کملا ہیرس کل حلف اٹھائیں گے، تقریب محدود پیمانے پر ہوگی

تازہ ترین
بین الاقوامی خبریں
19 جنوری ، 2021


امریکا کے نومنتخب صدر جو بائیڈن 20 جنوری کو اپنی صدارت کا حلف اٹھا کر امریکا کے چھیالیسویں صدر بن جائیں گے، جو بائیڈن کے ساتھ کملا ہیرس بھی نائب صدر کا حلف اٹھائیں گی۔

واشنگٹن ڈی سی میں ہونے والی تقریب حلف برادری کورونا وائرس اور سیکیورٹی خدشات کے باعث اس بار روایتی انداز سے ہٹ کر محدود پیمانے پر منعقد ہوگی۔

جو بائیڈن حلف اٹھانے کے بعد بطور صدر اپنا پہلا صدراتی خطاب کریں گے۔

تقریب میں ارکان کانگریس اور عدلیہ کے نمائندوں کے ساتھ سابق صدور بارک اوباما، جارج ڈبلیو بش، بل کلنٹن اور سابق خواتین اول مشعل اوباما، لارا بش اور ہیلری کلنٹن کی شرکت متوقع ہے۔

یہ بھی پڑھیے


عوام نیشنل مال میں بڑی اسکرینوں کے بجائے اپنے گھروں میں بیٹھ کر تقریب دیکھیں گے، تقریب میں لیڈی گاگا اور جینیفر لوپیز سمیت دیگر کئی ستارے اپنے فن کا مظاہرہ کریں گے۔

تازہ ترین