آپ آف لائن ہیں
بدھ18؍ رجب المرجب 1442ھ3؍مارچ 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نامزد امریکی وزیر دفاع کا دہشتگردی کیخلاف پاکستان کی کاوشوں کا اعتراف


امریکا کی بائیڈن انتظامیہ میں نامزد وزیر دفاع جنرل آسٹن نے دہشت گردی کے خلاف پاکستان کی کاوشوں کا اعتراف کرتے ہوئے کہا ہے کہ پاکستانی فوج سے تعلقات استوار رکھنے پر دونوں ملکوں کے درمیان تعاون کی نئی راہیں کھلیں گی۔

امریکی سینیٹ کی آرمز سروسز کمیٹی میں گفتگو کرتے ہوئے نامزد وزیر دفاع  جنرل لائڈ آسٹن نے کہا کہ افغانستان میں امن عمل کے لیے پاکستان امریکا کا اہم اتحادی رہا ہے۔


انھوں نے کہا کہ وزیر دفاع بننے کی صورت میں وہ جنوبی ایشیا سے متعلق امریکا کی پالیسی جاری رکھیں گے، پاکستان جیسے پڑوسی ملک کی حمایت حاصل کرنے کی حوصلہ افزائی کریں گے۔

جنرل لائڈ آسٹن کا کہنا تھا کہ پاکستان افغان امن عمل میں رکاوٹ بننے والے علاقائی عناصر کو روکنے میں بھی مددگار ہے۔

انھوں نے یہ بھی کہا کہ افغانستان کی سیاسی مفاہمت میں پاکستان اہم کردار ادا کرے گا۔

ان کا کہنا تھا کہ القاعدہ، داعش کو شکست دینے اور علاقائی استحکام کے لیے بھی امریکا کو پاکستان کے ساتھ مل کر کام کرنے کی ضرورت ہے۔

بین الاقوامی خبریں سے مزید