بلوچستان میں طوفان کا خدشہ، ماہی گیروں کو احتیاط کی ہدایت

گوادر سمیت بلوچستان کے ساحلی علاقوں میں سمندری طوفان کا خدشہ ظاہر کیا گیا ہے، جبکہ ماہی گیروں کو محتاط رہنے کی ہدایت کی گئی ہے۔

محکمۂ فشریز نے گوادر اور پسنی میں ماہی گیروں کو آج سے پیر تک گہرے سمندر میں جانے سے گریز کرنے کی ہدایت کر دی۔

طوفانی بارشوں نے بلوچستان کے کئی اضلاع میں تباہی مچادی

لیویز ذرائع کے مطابق ڈھاڈر کے قریب قومی شاہراہ پر گری نالہ کے مقام پر بڑا سیلابی ریلہ گزر رہا ہے، کوئٹہ جانے والی گاڑیوں کو ڈھاڈر اور کوئٹہ سے آنے والی گاڑیوں کو کولپور کے مقام پر روک دیا گیا۔

اسسٹنٹ ڈائریکٹر فشریز کی جانب سے جاری کی گئی ہدایت کے مطابق محکمۂ موسمیات نے خبردار کیا ہے کہ ایک سمندری طوفان بن رہاہے۔

سمندری طویان کے باعث بلوچستان کے ساحلی علاقوں میں آج سے پیر تک تیز ہوائیں چلنے کا امکان ہے۔

اسسٹنٹ ڈائریکٹر فشریز کا یہ بھی کہنا ہے کہ گوادر اور پسنی میں ماہی گیروں کو گہرے سمندر میں جانے سے گریز اور احتیاطی تدابیر اختیار کرنی چاہئیں۔