• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان ویمنز ٹیم کو جنوبی افریقہ کے ہاتھوں دوسرے ون ڈے میں بھی شکست

جنوبی افریقی ویمنز ٹیم نے پاکستان ویمنز ٹیم کو دوسرے ون ڈے میچ میں 13 رنز سے ہرا کر تین میچوں کی سیریز میں دو۔صفر کی فیصلہ کن برتری حاصل کرلی۔

پاکستان اور جنوبی افریقا ویمنز کرکٹ ٹیموں کے درمیان ڈربن میں کھیلے گئے سیریز کے دوسرے ون ڈے میں جنوبی افریقی ویمنز ٹیم نے پہلے بیٹنگ کرتے ہوئے سات وکٹ پر 252 رنز بنائے جہاں مریزانے کاپ 68 رنز بنا کر نمایاں رہیں۔

ڈایانا بیگ اور نشرہ سندھو نے دو دو کھلاڑیوں کو آوٹ کیا۔


جواب میں پاکستان ٹیم آٹھ وکٹوں پر 239 رنز بناسکی، آل راؤنڈر ندا ڈار نے 51 رنز کی اننگز کھیلی اور ون ڈے کرکٹ میں ایک ہزار رنز بھی مکمل کر لیے۔

واضح رہے کہ یہ ندا ڈار کی سیریز میں دوسری نصف سنچری تھی۔

عالیہ ریاض 81 رنز بنا کر نمایاں رہیں لیکن ٹیم کو فتح نہ دلاسکیں۔

تین میچز کی سیریز میں جنوبی افریقہ نے دو صفر کی فیصلہ کن برتری حاصل کرلی، جبکہ سیریز کا آخری ون ڈے منگل کو کھیلا جائے گا۔

تازہ ترین