50 کروڑ روپے ہرجانے کے کیس، علی ظفر کو 15 فروری تک جواب جمع کروانے کا حکم

سندھ ہائیکورٹ نے 50 کروڑ روپے ہرجانے کے کیس میں گلوکار علی ظفر کو 15 فروری تک جواب جمع کروانے کا حکم دے دیا۔

گلوکار علی ظفر کے خلاف 50 کروڑ روپے ہرجانے کے دعوے کی سماعت سندھ ہائیکورٹ میں ہوئی۔

درخواست گزار لینا غنی کی وکیل نے کہا کہ علی ظفر کو اس طرح کے ٹوئٹ کرنے سے روکا جائے، علی ظفر اس طرح کے ٹوئٹس نہ کرنے کی یقین دہانی کرائیں تو درخواست واپس لے لیں گے۔

علی ظفر کے وکیل کا کہنا تھا ہم نے اس طرح کا کوئی ٹوئٹ کیا ہی نہیں، درخواست کا جائزہ لے کر جواب دیں گے، مارچ کی کوئی تاریخ دی جائے تاکہ جواب جمع کروائیں۔

جنسی ہراسانی کا الزام لگانے والی خاتون کی علی ظفر سے معذرت

گلوکار و اداکار علی ظفر پر جنسی ہراسانی کا بے بنیاد الزام لگانے والی فیشن بلاگر حمنہ رضا نے معافی مانگتے ہوئے کہا کہ انہوں نے علی ظفر پر جھوٹا الزام ایک غلط فہمی کی بنیاد پر لگایا۔

سندھ ہائیکورٹ نے کہا کہ 15 فروری تک کی مہلت دے رہے ہیں، جواب جمع کروائیں۔

عدالت کا کہنا تھا کہ جواب جمع نہ کرایا تو آئندہ سماعت پر درخواست گزار کے وکیل کو سن کر حکم امتناع جاری کر دیں گے۔