وزیرخزانہ حفیظ شیخ کی زیر صدارت ای سی سی کا خصوصی اجلاس ہوا جس میں نجی بجلی گھروں کو 403 ارب روپے کے بقایا جات ادا کرنے کی منظوری دے دی گئی۔
ذرائع ای سی سی کے مطابق پہلی قسط میں 161 ارب اور دوسری قسط میں 242 ارب روپے ادا ہوں گے جبکہ نجی بجلی گھروں کو بقایا جات کی ادائیگی کابینہ سے منظوری کے بعد ہوگی۔
ذرائع کے مطابق ایف بی آر کو 35 کروڑ 50 لاکھ روپے ادا کرنے کی منظوری دی گئی ہے۔
ای سی سی ذرائع کا کہنا ہے کہ اس رقم سے شوگرملز کی پیداوار اور سیلز کی نگرانی کے لیے کیمرے نصب کیے جائیں گے۔