تھر: نویں جماعت کے طالب علم کا ورلڈ ریکارڈ

15 فروری ، 2021

صوبہ سندھ کا ضلع تھرپارکر کے نویں جماعت کے طالب علم نے انتہائی کم وقت میں پیریاڈک ٹیبل ترتیب دیتے ہوئے ورلڈ ریکارڈ بنا دیا۔

میڈیا رپورٹس کے مطابق 14 سالہ روہن کمار جو کہ تھرپارکر سے تعلق رکھتا ہے، اُنہوں نے گزشتہ دنوں

تھرپارکر سے تعلق رکھنے والے نویں جماعت کے طالب علم روہن کمار نے گزشتہ دنوں اسلام آباد سائنس فیسٹیول میں شرکت کی جہاں اُنہوں نے پیریاڈک ٹیبل کے عناصر کو انتہائی کم وقت میں ترتیب دے کر ناصرف سب کو حیران کیا بلکہ ورلڈ ریکارڈ بھی بنا ڈالا۔

اس موقع پر روہن کمار نے میڈیا سے گفتگو کرتے ہوئے بتایا کہ اُنہوں نے ڈپٹی کمشنر اسلام آباد کے سامنے ایک منٹ 28 سیکنڈز میں پیریاڈک ٹیبل بنایا تھا جو کہ ایک ورلڈ ریکارڈ ہے اور اس کے بعد اُنہوں نے دوبارہ ایک منٹ 24 سیکنڈز میں پیریاڈک ٹیبل ترتیب دیا، یہ وقت بھی ایک موجودہ ورلڈ ریکارڈ سے کم ہے۔

خیال رہے کہ اس سے قبل لاہور کی نو سالہ طالبہ نتالیہ نجم نے دو منٹ 42 سیکنڈز میں پیریاڈک ٹیبل ترتیب دیا تھا اور ان کا یہ ریکارڈ گنیز بُک آف ورلڈ ریکارڈ میں شامل ہے۔

دوسری جانب روہن کمار کا ریکارڈ ابھی تک گنیز بُک آف ورلڈ ریکارڈ میں شامل نہیں ہوا ہے۔

اس حوالے سے روہن کے ماموں ڈاکٹر بھیشم کوٹک نے کہا ہے کہ پاکستان سائنس فیڈریشن روہن کا ریکارڈ ’گنیز بُک آف ورلڈ ریکارڈ‘ میں شامل کرنے کے لیے کوشش کررہی ہے اور اس ضمن میں پیر کو ایک میٹنگ بھی ہوگی۔

تازہ ترین