اینٹیگا (جنگ نیوز) ویسٹ انڈیز کپتان کیرون پولارڈ کے ایک اوور میں چھ چھکوں نے سری لنکا کے چودہ طبق روش کردیئے۔ لاٹھی چارج کی زد میں آنے والے اسپنر اکیلا دھنن جایا تھے۔ انہوں نے ایک اوور قبل ایون لیوس، کرس گیل اور نکولس پوران کو آئوٹ کرکے ہیٹ ٹرک کی تھی۔ بدھ کی شب پہلے ٹی ٹوئنٹی میں ہوم سائیڈ نے آئی لینڈرز کو چار وکٹ سے شکست دیدی۔ سری لنکا نے ویسٹ انڈیز کو جیت کے لئے 132رنز کا ہدف دیا۔ پولارڈ نے11گیندوں پر38رنز اسکور کئے۔