ٹیکس قوانین ترمیمی آرڈیننس2021 مسترد کرتے ہیں، امیر حیدر ہوتی

عوامی نیشنل پارٹی (اے این پی) کے رہنما امیر حیدر ہوتی نے ٹیکس قوانین ترمیمی آرڈیننس2021 کو مسترد کرتے ہوئے کہا ہے کہ حکومت ٹیکس قوانین میں ترمیم کا آرڈیننس واپس لے۔

امیر حیدر ہوتی نے اپنے بیان میں کہا کہ چور دروازوں سے صدارتی آرڈیننس کیوں جاری کیے جا رہے ہیں؟، کشکول توڑنے کے دعویداروں نے ملک کو آئی ایم ایف کے ساتھ گروی رکھ دیا۔

رہنما اے این پی نے کہا کہ آئی ایم ایف کو خوش رکھنے کے لئے عوام پر مہنگائی کے بم برسائے جارہے ہیں، ناکام معاشی پالیسیوں کی بدولت ملکی ادارے تباہ و برباد ہوگئے ہیں۔

امیر حیدر ہوتی نے کہا کہ پٹرول، گیس، دوائیاں، بجلی اور اشیا ضروریہ عوام کی پہنچ سے باہر ہیں۔