آپ آف لائن ہیں
پیر6؍رمضان المبارک 1442ھ 19؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بھارتی اداکارہ کینسر کی شکار، والد نے بھی بیٹی کیلئے اپنا سر منڈوالیا

بھارتی ادکارہ اینڈریلا شرما کے لیے ان کے والد نے بھی اپنے سر کے بال منڈوادیے۔ 

بھارتی میڈیا رپورٹس کے مطابق اینڈریلا شرما کینسر کے مرض میں متبلا ہوگئیں، اور اس کے علاج کے لیے ان کی کیموتھیراپی جاری ہے۔ 

انھوں نے کیموتھراپی کے آغاز سے قبل اپنے سر کے بال منڈوادیے تھے۔ 

اینڈریلا کینسر کا بہادری سے مقابلہ کر رہی ہیں جہاں ان کے اہلِ خانہ اور دوست ان کی ہمت باندھنے کے لیے ان کے شانہ بہ شانہ کھڑے ہیں۔ 

تاہم حال ہی میں ان کے والد کی جانب سے ایک ایسا تحفہ دیا گیا جسے دیکھ کر وہ آبدیدہ ہوگئیں۔ 

اینڈریلا کے والد نے بیٹی کی طرح خود کے سر کے بال بھی منڈوالیے۔ 

اداکارہ نے والد کے ساتھ اپنی ایک تصویر بنواکر اسے سوشل میڈیا پر شیئر بھی کیا اور ساتھ میں انھوں نے یہ بھی لکھا کہ کس طرح ایک باپ اپنے بچے کی ہنسی کے لیے سب کچھ قربان کردیتا ہے۔


انھوں نے مزید کہا کہ والد یہ تو نہیں بتاتے کہ وہ اپنے بیٹے یا بیٹی سے کتنا پیار کرتے ہیں، لیکن وہ اسے ثابت کرنے کے لیے خاموشی سے ہر ممکن کام کر دیتے ہیں۔ 

انٹرٹینمنٹ سے مزید