معیشت پر پاکستانی صارف کا اعتماد عالمی اوسط سے پھر کم

ملکی معیشت پر پاکستانی صارف کا اعتماد عالمی اوسط سے ایک بار پھر کم ہونے کا انکشاف ہوا ہے۔سرمایہ کاری اور مستقبل میں اہم خریداریوں پر غیر یقینی کا اظہار کردیا ۔

اپسوس نے پاکستانی عوام کی رائے پر مبنی نیا سروے جاری کیا ۔ سروے کے مطابق 82 فیصد پاکستانیوں نے گھر یا گاڑی جیسی اہم خریداری کے بارے میں پُراعتماد نہ ہونے کا کہا جبکہ 80 فیصد نے مستقبل میں سرمایہ کاری کرنے کے حوالے سے شک و شبہےکا اظہار کیا ۔

سروے کے مطابق 79فیصد پاکستانیوں نے اپنے ، اپنی فیملی اور دیگر افراد کے روزگار جانے کے خوف کا اظہار بھی کیا ۔