امریکی گلوکار ڈی ایم ایکس چل بسے

مشہور امریکی گلوکار اور فلموں میں اداکاری کے جوہر دکھانے والے ڈی ایم ایکس 50 سال کی عمر میں انتقال کرگئے۔

غیر ملکی میڈیا کے مطابق ڈی ایم ایکس کو کچھ دن قبل ہارٹ اٹیک کے بعد تشویشناک حالت میں اسپتال داخل کرایا گیا تھا، جہاں انہیں آئی سی یو میں لائف سپورٹ پر رکھا گیا تھا۔

ان کے اہل خانہ کی جانب سے بھی موت کی تصدیق کردی گئی ہے۔

ڈی ایم ایکس کا شمار امریکا کے مشہور ہپ ہاپ گلوکاروں میں ہوتا ہے۔ انہوں نے ناصرف انفرادی طور پر گانے گائے بلکہ جے زی، جا رول، ایوو اور ایل ایل کول جے کیساتھ بھی پرفارم کیا۔

50 سالہ امریکی گلوکار کا اصل نام ایریل سمسن ہے تاہم وہ میوزک کی دنیا میں ڈی ایم ایکس کے نام سے مشہور ہوئے۔