زید علی اور اہلیہ زندگی کے نئے باب کی شروعات کیلئے پُرجوش

جلد ہی والد بننے والے پاکستانی نژاد کینیڈین یوٹیوبر اور کامیڈین زید علی اور اُن کی اہلیہ اپنی  زندگی کے نئے باب کی شروعات کے لیے بہت پُرجوش ہیں۔

زید علی نے سماجی رابطے کی ویب سائٹ انسٹاگرام پر اہلیہ یمنیٰ کے ہمراہ اپنی نئی تصویر شیئر کی۔

انسٹاگرام پر شیئر کی گئی تصویر میں سوشل میڈیا کی یہ مقبول ترین جوڑی محبت بھری نگاہوں سے ایک دوسرے کی طرف دیکھ رہی ہے۔

زید علی نے تصویر کے کیپشن میں اہلیہ سے مخاطب ہوتے ہوئے لکھا کہ ’آپ کے ساتھ زندگی کا یہ نیا باب شروع کرنے کے لیے بہت پُرجوش ہوں۔‘

پہلے میں اکیلا تھا اور اب میرے پاس سب کچھ ہے: زید علی

پاکستانی نژاد کینیڈین یوٹیوبر اور کامیڈین زید علی کہتے ہیں کہ پہلے وہ تنہا تھے لیکن اب اُن کے پاس سب کچھ ہے۔

یوٹیوبر کی اس پوسٹ پر دُنیا بھر میں موجود اُن کے مداح اُن کے لیے نیک خواہشات کا اظہار کررہے ہیں۔

واضح رہے کہ زید علی نے رواں سال کی شروعات میں ہی اپنی انسٹاگرام پوسٹ کے ذریعے اس بات کی اطلاع دی تھی کہ وہ اور یمنیٰ جلد ہی والدین بننے جا رہے ہیں۔

زید علی کے ہاں جلد ننھے مہمان کی آمد متوقع

پاکستانی نژاد کینیڈین یوٹیوبر اور کامیڈین زید علی اور اہلیہ یمنیٰ کے ہاں جلد ننھے مہمان کی آمد متوقع ہے۔

اُنہوں نے اپنی خوشی کا اظہار کرتے ہوئے کہا تھا کہ ’آج کا دن میری زندگی کا سب سے خوبصورت اور خوشگوار دن ہے۔‘

خیال رہے کہ انٹرنیٹ پر اپنی مزاحیہ ویڈیو سے شہرت حاصل کرنے والے پاکستانی نژاد کینیڈین اسٹار زید علی نے اگست 2017ء میں یمنیٰ سے شادی کی۔

زید علی نے اپنے ہونے والے بچے کے نام سے متعلق مشورہ مانگ لیا

پاکستانی نژاد کینیڈین یوٹیوبر اور کامیڈین زید علی نے اپنے ہونے والے بچے کے نام کے لیے مداحوں سے مشورہ مانگ لیا۔

سوشل میڈیا سے شہرت پانے والے پاکستانی نژاد زید علی کینیڈا میں مقیم ہیں، تاہم بیرونِ ملک پیدائش اور پرورش کے باوجود زید نے اپنا طرز زندگی روایتی پاکستانیوں جیسا رکھا ہوا ہے۔