دوسری بار رشتۂ ازدواج میں بندھنے والی علیزے گبول کی بیٹی کیساتھ تصاویر وائرل

حال ہی میں ایک بار پھر سے رشتۂ ازدواج میں منسلک ہونے والی شوبز انڈسٹری کی مقبول ترین ماڈل و اداکارہ علیزے گبول نے اپنی بیٹی میرال کی سالگرہ کی تصویریں سوشل میڈیا پر شیئر کردیں۔

علیزے گبول نے اپنے تصدیق شدہ انسٹاگرام اکاؤنٹ پر اپنی بیٹی میرال کی سالگرہ کی کچھ تصویریں شیئر کیں۔

تصویروں میں علیزے گبول کی بیٹی میرال نے خوبصورت فراک زیب تن کی ہوئی ہے اور اُس کے ساتھ سر پر تاج بھی پہنا ہوا ہے۔

انسٹاگرام پر شیئر کی گئی تصویروں میں علیزے گبول اور اُن کی بیٹی میرال بےحد خوش نظر آرہی ہیں۔

اداکارہ علیزے گبول نے دوسری شادی کرلی

شوبز انڈسٹری کی مقبول ترین ماڈل و اداکارہ علیزے گبول نے خاموشی سے شادی کرلی۔

علیزے گبول نے اپنی پوسٹ کے کیپشن میں لکھا کہ ’ماؤں کی بہترین دوست اُن کی بیٹیاں ہوتی ہیں۔‘

ماڈل نے لکھا کہ ’ماشاءاللّہ! میری بےبی گرل اب بڑی ہورہی ہے۔‘

اُنہوں نے اپنی بیٹی کو دُعا دیتے ہوئے لکھا کہ ’اللّہ تعالیٰ تمہیں دُنیا کی منفی سوچ اور بُری نظر سے محفوظ رکھے۔‘

علیزے گبول نے بیٹی کو سالگرہ کی مبارکباد دیتے ہوئے مزید لکھا کہ ’ماما! آپ سے بہت زیادہ محبت کرتی ہیں۔‘

’دی کپل شرما شو‘ کی خاتون کامیڈین اسٹار نے منگنی کرلی

بھارت کے مقبول ترین کامیڈین پروگرام ’دی کپل شرما شو‘ سے شہرت پانے والی خاتون کامیڈین اسٹار سوگندھا مشرا نے بھارتی مزاح نگار و اداکار سنکیت بھوسلے سے منگنی کرلی۔

خیال رہے کہ ماڈل و اداکارہ علیزے گبول دو ماہ قبل ہی ایک بار پھر سے رشتۂ ازدواج میں منسلک ہوئی ہیں جس کی اطلاع اُنہوں نے اپنے سوشل میڈیا پیغام میں دی تھی۔

ماڈل و اداکارہ علیزے گبول اس سے قبل اُسامہ نامی شخص کے ساتھ رشتۂ ازدواج میں منسلک ہوئی تھیں جن سے ان کی ایک بیٹی میرال ہے۔

علیزے گبول کی پہلی شادی نامعلوم وجوہات کی بناء پر ایک سال کے مختصر عرصے میں ہی اختتام پذیر ہوگئی تھی۔