چشتیاں : تین بھائیوں نے کورونا پر گانا بنا دیا

کورونا وائرس سے بچنے کے لیے ایس او پیز پر عمل کرنا کتنا ضروری ہے اس کی اہمیت اجاگر کرنے کے لیے چشتیاں کے تین نوجوان بھائیوں نے موسیقی کا سہارا لیا اور کورونا پر گانا بنا دیا۔

چشتیاں کے نواحی گاؤں بستی قلندر شاہ کے رہائش تین بھائیوں کے جانی گروپ نے کورونا وباء کے دوران لوگوں ماسک نہ پہننے اور سماجی فاصلے پر عمل نہ کرنے پر احتیاطی تدابیر کی اہمیت کو گانا گاکر اجاگر کیا۔

دسویں کلاس کے طالب علم رمضان جانی نے آٹھ سال کی عمر سے موسیقی کی تعلیم حاصل کرنا شروع کی جبکہ رمضان جانی نے اپنے پرنسپل کے کہنے پر نہ صرف کورونا پر گانا گایا بلکہ اس کی دھن بھی خود ہی ترتیب دی۔

کلاسیکل موسیقی میں جانی گروپ نے اردو، پنجابی اور سرائیکی میں کئی گانے گائے ہیں۔